വിഷ്ണ്വഷ്ടകം
Vishnvashtakam

Anandham — Sree Narayana Guru Digital Library
Canonical reading page: https://anandham.online/krithis/vishnvashtakam
Text last updated: 2026-09-24T16:30:54.732Z
Author: Sree Narayana Guru
Source: https://sivagiri.com/krithikal-lyrics?id=3
Source spellings and textual variants are retained.
Language: Malayalam script. The English title is a transliteration, not a translation.

വിഷ്ണ്വഷ്ടകം

1
വിഷ്ണും വിശാലാരുണപദ്മനേത്രം
വിഭാന്തമീശാമ്ബുജയോനിപൂജിതം
സനാതനം സന്‍മതിശോധിതം പരം
പുമാംസമാദ്യം സതതം പ്രപദ്യേ.

2
കല്യാണദം കാമഫലപ്രദായകം
കാരുണ്യരൂപം കലികല്മഷഘ്നം
കലാനിധിം കാമതനൂജമാദ്യം
നമാമി ലക്ഷ്മീശമഹം മഹാന്തം.

3
പീതാമ്ബരം ഭൃങ്ഗനിഭം പിതാമഹ-
പ്രമുഖ്യവന്ദ്യം ജഗദാദിദേവം
കിരീടകേയൂരമുഖൈഃ പ്രശോഭിതം
ശ്രീകേശവം സന്തതമാനതോളസ്മി.

4
ഭുജങ്ഗതല്പം ഭുവനൈകനാഥം
പുനഃപുനഃ സ്വീകൃതകായമാദ്യം
പുരന്ദരാദ്യൈരപി വന്ദിതം സദാ
മുകുന്ദമത്യന്തമനോഹരം ഭജേ.

5
ക്ഷീരാമ്ബുരാശേരഭിതഃ സ്ഫുരന്തം
ശയാനമാദ്യന്തവിഹീനമവ്യയം
സത്സേവിതം സാരസനാഭമുച്ചൈര്‍-
വിഘോഷിതം കേശിനിഷൂദനം ഭജേ.

6
ഭക്താര്‍ത്തിഹന്താരമഹര്‍ന്നിശന്തം
മുനീന്ദ്രപുഷ്പാഞ്ജലിപാദപങ്കജം
ഭവഘ്നമാധാരമഹാശ്രയം പരം
പരാപരം പങ്കജലോചനം ഭജേ.

7
നാരായണം ദാനവകാനനാനലം
നതപ്രിയം നാമവിഹീനമവ്യയം
ഹര്‍ത്തും ഭുവോ ഭാരമനന്തവിഗ്രഹം
സ്വസ്വീകൃതക്ഷ്മാവരമീഡിതോളസ്മി.

8
നമോളസ്തു തേ നാഥ! വരപ്രദായിന്‍
നമോളസ്തു തേ കേശവ! കിങ്കരോളസ്മി
നമോളസ്തു തേ നാരദപൂജിതാങ്ഘ്രേ
നമോ നമസ്ത്വച്ചരണം പ്രപദ്യേ.

ഫലശ്രുതിഃ

വിഷ്ണ്വഷ്ടകമിദം പുണ്യം
യഃ പഠേദ് ഭക്തിതോ നരഃ
സര്‍വപാപവിനിര്‍മുക്തോ
വിഷ്ണുലോകം സ ഗച്ഛതി.