ശുദ്ധി പഞ്ചകം

അഥാതഃ സംപ്രവക്ഷ്യാമി സംക്ഷേപാച്ഛുദ്ധി പഞ്ചകംശൃണുദ്ധ്വമവധാനേന ക്രമശശ്ശുദ്ധിതൽപരാഃ 89

കായവാക്ചേതസാം ശുദ്ധിരിന്ദ്രിയാണാം ഗൃഹസ്യ ചസംക്ഷേപാൻമർത്യവർഗ്ഗസ്യ പഞ്ചൈതാഃ ശുദ്ധയഃ സ്മൃതാഃ 90

ദേഹശുദ്ധി:- നിത്യം ശുദ്ധോദകസ്നാനം മലസ്രോതോവിശോധനംശുദ്ധിർദന്തനഖാനാം ച ശുദ്ധവസ്ത്രസ്യ ധാരണം 91 ശുദ്ധസ്യവായോർഭോജ്യസ്യ ജലസ്യാപി നിക്ഷേവണം കരപാദാദിസംശുദ്ധിർ ദേഹശുദ്ധിരിതീര്യതേ 92

വാക് ശുദ്ധി:- ആവർജ്ജകത്വം വർണ്ണാനാം സുവ്യക്തിഃ സ്വരമാധുരീപദാനാം സ്ഫുടതൗചിത്യം ലയോƒമീ വചസോഗുണാഃ 93

അനുദ്വേജകതാസത്യസ്വാദ്ധ്യായഹിതകീർത്തനൈഃസൗഷ്ഠവപ്രിയതാഭ്യാം ച നിയതം വാഗ്വിശുദ്ധ്യതി 94

മനഃശുദ്ധി:- ആർജ്ജവം കരുണാ മൈത്രീ മാർദ്ദവം ച ധൃതിസ്ത്രപാഅദ്വേഷഃ പ്രണിധാനം ച മനഃശുദ്ധിം വിതന്വതേ 95

ഇന്ദ്രിയ ശുദ്ധി:- അപ്രിയാർത്ഥേഷ്വ പ്രവൃത്തിരപീഡനമലാളനംഅയുക്താസംസ്തവശ്ചൈ തൈഃ ശുദ്ധ്യതീന്ദ്രിയ പഞ്ചകം 96

ഗൃഹശുദ്ധി:- അന്തഃസൂര്യാംശുസമ്പാതഃ ശുദ്ധവായു സമാശ്രയഃഅശുചിദ്രവ്യ നിഷ്കാസസ്സർവതോ നിത്യമാർജ്ജനം 97 പര്യന്തേമൂത്രവിഷ്ടാദേരനുത്സർഗ്ഗഃ സുഗന്ധിഭിഃ സായം പ്രാതർധൂപനം ച ഗൃഹശുദ്ധികരാണിഷഡ് 98

യശ് ശുദ്ധിപഞ്ചകമിദം ചരതി പ്രശസ്ത-മാരോഗ്യനിത്യസുഖ ഹേതുകമാത്മനീനം ദീർഘായുരുർജ്ജിതവപുഃ സതതപ്രസന്ന- ബുദ്ധിര്യുവേവ പുരുഷോ ഭവതീഹ ലോകേ 99